INGITANAPAT TOMON
(1) ENGITANAPATA EDUKUYA:
Ara nanu oloitoriani engai ino, miata ake ingulie aitin
Kanyoo engipirta?
Ewalata: ekishaakino nekiurei nikinyorru nikisilig engai alang intokitin pooki.
(2) ENGIPIRTA E ARE:
Miimbot aasishore engarna oloitoriani engai ino pesho.
Kanyoo engipirta?
Ewalata: eishaakino nekiurei nekinyorru engai, naa ore tina mikiimbot engarna enye aadekishore, nemekinosie irmuma tengata enaibon, kijo mongo arashu elejare, matoomon maisisa nikincho enashe amuu kenarikin.
(3) ENGITANAPATA E UNI:
Tadamu engolong' esabato nintisiny.
Kanyoo engipirta?
Ewalata: eishaakino nikiurei nikinyorru engai, neeku mekimenaa ororei lenye tenebo elikioroto eina pukunoto kake maitisinya nekinining' tenjipai nekinteng'en ote ororei lenye esaai.
(4) ENGITANAPATA E ONG'WAN:
iyanyita minyi o ng'utunyi pee eeku ingolon'i inono kumok teina kop nikinjo oloitoriani engai ino.
Kanyoo engipirta?
Ewalata: eishaakino nikiurei nikinyorru engai,
Mikimenu intoiwo olbotoro lang' arashu mikintagor kake mayanyita nikisiaai nikisilig nikinyorru nikilepunye.
(5) ENGIPIRTA E IMET:
miar metua. Kanyoo engipirta?
Ewalata: eishaakino nekiurei nekinyorru engai,
Mikipik batisho engishui olelatia ang' arashu kisesekwan kake mataretu nekishumu tiatwa iyeunot pooki engishui enye.
(6) ENGITANAPATA EILE:
miloloito, kanyoo engipirta??
Ewalata:eishaakino nekiurei nekinyorru engai, eishaakino nikiata engishui sinyati naa sidai toororei o teyasata, ore pooki ng'ai nenyorr neyanyit engitok arashu arpayan lenye.
(7) ENGITANAPATA E NAAPISHANA:
Mipurrisho, kanyoo engipirta?
Ewalata: eishaakino nekiurei nikinyorru engai, pee mikidumu embesai arashu imasaa olelatia ang' arashu kinjang'itie kias tengoitoi ake pooki nemeishaakinore, kake pee kiretoki aatoponu nekirrip intumot oo masaa enyana.
(8) ENGITANATA EISET:
Mikiinteeniki olelatia ino elejare,
Ewalata: eishaakino nekiurei nikinyorru engai, mikinteeniki olelatia aang' elejare, nikirojaa pee mikikurr arashu mindurrarie enganyit kake enaikash tenekiomon embalikino nikiro imbaa sidan too naipirta ninye nikiretu pee merroyo enganyit enye.
(9) ENGITANAPATA ENAAUDO:
ming'warr engaji ole latia ino, kanyoo engipirta?
Ewalata: eishaakino nikiurei nekinyorru engai, pee mikiya tolosek enjung'ore engaji olelatia ang' arashu kiasishore tolosek ingitanapat pee kitum kake emaisiaya nikiretu pee etum aing'ura nena naara inenyana.
(10) ENGITANAPATA ETOMON:
ming'warr engitok olelatia ino, arashu osinga lenye, arashu esinga enye, arashu orkiteng' lenye, arashu osikiria lenye, arashu aai toki olelatia ino. Kanyoo engipirta?
Ewalata: eishaakino nikiurei nikinyorru engai, emikioru nemikisurie arashu kilelem ekitok isingan arashu engiteng' olelatia ang' kake emataretu meshomo dukuya aisiai ninye olotii shumata.
Hakuna maoni:
Chapisha Maoni